રાવણ
રાવણ
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
65
વરસે વરસે બળી રહેલા રાવણને, ફરી બાળીને શું કરશો ?
હરતાં ફરતાં લાખો રાવણ અહીં, એમનું શું કરશો ?
ખાઈ મીઠાઈ, કરીએ ઉત્સવ, કરીને રાવણ દહન,
મરે છે રાવણ કેટલાં ખરેખર, વિચાર માગે ગહન.
લંકાનાં રાવણને તો, રામે મોક્ષ આપ્યો,
શંકાનાં જે છે રાવણ, એમનું શું કરશો ?
દસ માથાની ઓળખ નથી, માણસ જેવા માણસ છે,
રામનાં વેશમાં ફરી રહેલા, રાવણનું શું કરશો ?