રામ રાજ્ય

રામના હાથથી છૂટે તે મરે છે,

ને રામના નામે પથ્થર તરે છે.

મુગટ બનીને માથે શોભીશ.

ને રામની ચાખડી રાજ કરે છે.

રામ આવશે એવા વિશ્વાસથી,

શબરી એંઠા કરીને બોર ભરે છે.

જટાયુની જાત હવે એક રહસ્ય છે,

ગલીએ ગલીએ રાવણ ફરે છે.

રામનું કામ અને રામનું નામ અલગ હશે,

વાનર થઈ જાત આખી કોણ ધરે છે.

મારૂતિ બની એ જ સીતાને શોધે,

જે રામને પોતાના હૈયે ધરે છે.

મિત્રતાની એક મિશાલ છે સુગ્રીવ,

જગતમાં રામ પાછળ કોણ મરે છે.