પુસ્તકાલયનાં પુસ્તકો

પુસ્તકાલયનાં પુસ્તકો જાણે સાગરનાં મોતી,

એક પકડું ત્યાં તો બીજું લે મન મોહી,

હાથમાં લઈને પુસ્તક હરખાઈ હું મનથી,

કાગળ પરનાં શબ્દો,જાણે મોતી બન્યાં માળા

પુસ્તકમાંથી જાણે ચમક અનેરી આવી,

વાંચી શબ્દ એક-એક તૃપ્તિ થઈ અનેરી.

પુસ્તકાલયનાં પુસ્તકો જાણે બાગમાંના ફૂલો,

એક પકડું ત્યાં તો બીજું લે મન મોહી,

હાથમાં લઈને પુસ્તક હરખાઈ હું મનથી

કાગળ પરનાં શબ્દો જાણે ફૂલ બન્યાં વેણી

પુસ્તકમાંથી જાણે મહેક અનેરી આવી,

વાંચી શબ્દ એક-એક આવી ખુશ્બુ અનેરી.