આ જ જીવન છે
આ જ જીવન છે
ડર નહીં હે મન મારા, આ જ જીવન છે!
ભલે હોય નકલી અહીં, હાસ્ય જ પોંખાય છે.
લાચારી, બેબસી ને સહનશક્તિની વાતો તો,
ફક્ત કિસ્સા અને કિતાબોમાં જ સમાવાય છે.
લાચારીની બેડી તોડ, હિંમતથી તું આગળ વધ.
મળશે નહીં મદદ કોઈ, જુઠો સધિયારો છોડ.
ખામીઓ અને નાકામી તો છે સૌને જ પોતાની.
કોઈ જ નથી સંપૂર્ણ અહીં, આ જ જીવન છે !
હોય હોંશલો ભીતર તો, ઉડાન બને આસાન.
મિજાજ રાખ ખાસ તું આ જ જીવન છે!
સઘળું છે તુજમાં જ, તું તારો જ વિશ્વાસ કર.
ગહન છે આ વાત ઘણી કે, આ જ જીવન છે.