સમાધાન
સમાધાન
આવો બેસો, હવે મળીએ જરા,
છે.., સમાધાન વિચારે-વિચારે !
કેમ થઈ ગઈ આ મટુકી ખાલી,
પ્રેમ-અમીરસ ભરેલી-ભરેલી.
શાને આપણે ગયા રિસાઈ ?
રમત રમંતાં પ્યારી-પ્યારી.
કોઈક તરુવર છાયાં તળે,
મધુવન બાંકડે, યાદેં-યાદેં..
આવો બેસો, હવે મળીએ જરા,
છે.. સમાધાન વિચારે-વિચારે !
કેટલી સુંદર ? કેટલી મોહક ?
હતી અદાઓ નજારે-નજારે.
કોણે પીરના મોરલા ટાંક્યા,
હૃદય આંગણિયે ગહેંકી-ગહેંકી.
ચાલો ભેદીએ, નિ:શબ્દતાને,
યુગોની ઉર્મિ ઝંઝોળી-ઝંઝોળી.
આવો બેસો, હવે મળી એ જરા,
છે.. સમાધાન વિચારે-વિચારે !
શ્વાસ ફૂલોના, રંગત ફુલોની,
દર્દની સોયે પરોવી-પરોવી.
સોનેરી લટની આછેરી છાયા,
દિલના ઝરણે ઝબોળી-ઝબોળી.
ઝીણી ઝાંઝરી પહેરીને લયની,
કરીએ મીઠડું કલબલ-કલબલ.
આવો બેસો, હવે મળીયે જરા,
છે.. સમાધાન વિચારે-વિચારે !