પતંગિયું

પતંગિયાની પાંખોમાં તો કેવું જોર સમાયું ?

ફુલે ફુલે રસ ધરવા એ દોટ મુકીને ભાગ્યું.

ફુલોની નાજુક પાંદડીઓ ઊભી છે રાહ જોતી,

આવી ગયું, આવી ગયું છે પાંદડીઓનું મોતી.

રંગની રેલમછેલ ઊડાવે પતંગિયું પણ શાણું,

ફુલોને ઝટપટ પટાવે, એ તો હું પણ જાણું.

ફુલોની રંગત છે નોખી, સુવાસ જાણે સોનું,

પણ પતંગિયાની સોબત વિના લાગે સુનુસુનુ.

ફૂલના રસને પીવા પતંગિયું ઝટપટ ઊડી આવે,

ફુલોને પણ તો પતંગિયા વિના ક્યાંથી ફાવે ?