પતંગ

તારાને મારા

પ્રેમપત્રોને

ચાલને

આકાશે ઉડાડીએ

પતંગ બનાવી ને !

**

એક દિવસ

આકાશને શણગાર

સજવાનું મન થયું

ને

આખ્ખુય આકાશ

ભરાઈ ગયું

રંગબેરંગી

પતંગોથી !

**

જિંદગીના આકાશમાં

પતંગની જેમ

બિન્દાસ વિહરવું

હોય તો

શરત માત્ર એટલી

કે

ફીરકી સંપૂર્ણપણે

બીજાને સોપવી પડે !

**

સુખ અને પતંગમાં

ઘણી સામ્યતા છે

પતંગ ચગાવે કોઈ

પેચ થાય અને

પકડે કોઈ

ઘણા પાછળ દોડે પણ

કોઈ ભાગ્યશાળી જ

પકડી શકે,

સુખનું પણ એવું જ !