પથ્થર પણ પીગળતા થઈ ગયા

જોઈ તારું મનમોહક મુખડું

આ શબ પણ ધબકતા થઈ ગયા,

જોઈ તારી આ નશીલી આંખ,

હૃદયના ધબકાર પણ ઉછળતા થઈ ગયા,

આ પામી સ્પર્શ તારા મખમલી હાથનો,

જોને આ પથ્થર પણ પીગળતા થઈ ગયા !

જોઈ તારી અદ્ભૂત મુખાકારી,

આ ફૂલો પણ ઈર્ષ્યામાં બળતા થઈ ગયા !

આ શું આગમન થયું બાગે તમારું ને !

આ ઉદાસ ભ્રમર પણ મલકાતા થઈ ગયા !

આ આવ્યા તમે જ્યારે પર્વત પર,

તમને જોઈને આ ઝરણાં પણ વહેતા થઈ ગયા !

વસી ગયા છો તમે મારાં નયનમાં એવા કે,

રાતના બધા સપનાંઓ મારા રઝળતા થઈ ગયા !