પરમ તહેવાર...

પીગળતા સૂરજમાં પડછાયા ઓગળીને આથમી ગયા,

મારી એકલતાને અંતરના અઘોર અંધારા ગળી ગયા,

એક જવાબની શોધમાં ખુદ ભટકું સવાલ બની જન્મોથી,

જવાબ મળ્યા તો એ સળગતા બેબુઝ ઉખાણાં બની ગયા,

ને આ આખી જિંદગી તારા વગર એક રેતીનું અફાટ રણ,

તરસની તૃપ્તિની તલાશમાં મૃગજળ પણ ઓસરી ગયા,

બીજ મહોબ્બતના દિલની ધરા ઉપર નજર વાવી ગઈ,

આ વર્ષામાં એના વગર ઝખ્મો બની એ સઘળા ફણગી ગયા,

એક "પરમ" તહેવાર હોય છે વહેવાર પ્રણયનો કાયમ,

તમારા આ વચનો જ અમોને કેવા પ્રેમી "પાગલ" કરી ગયા.