પ્રકૃતિ પણ ઉજવે તહેવાર
પ્રકૃતિ પણ ઉજવે તહેવાર
આજે જાણે પ્રકૃતિ ઉજવે સુંદર તહેવાર,
જોને સુંદર લીલોતરી છવાઈ ચારેકોર,
આવ્યો જાણે ! ધરતીને તૃપ્તિનો ઓડકાર,
જોને આ મેહ વરસે ઝરમર આપે નવો આકાર,
આ વર્ષા લાવી ધરતી પર ખુશીઓ અપાર,
જાણે ! મોર થઈ નાચે આખો સંસાર,
જાણે ! ધરતીએ સજ્યો દુલ્હનનો શણગાર,
આ દુલ્હનના સ્વાંગમાં લાગે છે એ જોરદાર,
જોને મોસમ ખીલી છે પૂરબહાર
દરેકના હૈયે છે આનંદ અપાર,
લીલા ઘરચોળામાં ટાંક્યા લાલ આભલાં,
જોને ! આ ધરતી કેવી લાગે છે સુંદર મનોહર,
આ આભે મેઘધનુષ્યએ લીધો આકાર,
જાણે ! સૌના સોનેરી સપનાં થયા સાકાર,
આજે જાણે ! પ્રકૃતિ ઉજવે તહેવાર,
માર્કેટિંગ કરી રહી છે જાણે ફૂલોની સરકાર.