પરિવારનો બગીચો

એક ફૂલને થયું કે લાવ હું તો સુંગંધનો દરિયો છું

ડાળીથી અલગ મારી ઓળખ ઊભી કરૂ

પણ એ કરમાઈ ગયું

બુંદને અભિમાન થયું કે મારા થકી સમુદ્ર છે

હું નામ કમાવી લઉં, પણ એ ધૂળમાં મળી

પોતાનું અસ્તિત્વ ગુમાવી બેઠું

ઊંચે ઉડતી પતંગને ગુમાન થયું

હું શા માટે દોરા સાથે બંધાઈ રહુ !

મારું તો ઊંચું સ્થાન

કપાયો પતંગ દોરાથી,

પટકાયો એ જમીન પર

થડને થયું અભિમાન મારું કેવું સુંદર રૂપ

આ મૂળ તો રહે સદા જમીનમાં, ને હું રહુ ઉપર

મૂળથી ઝાડ અલગ થઈ સુકાઈ ગયું

પરિવારના એક સભ્યને થયું ગુમાન

મારા થકી ચલે આ ઘર

લાવ ને મારી અલગ ઓળખ ઊભી કરૂ

પણ આવી ખોટ ધંધા અને સંબંધોમાં

ખાધી ઠોકર એને, પડી ગયો  એ તો

પરિવારે ઝાલી હાથ ઊભો કર્યો

સમજાય ગઈ એને પરિવારની શાન

પછી તો વધ્યું એને માન

નિશ્વય કરી લીધો પાકો

હું પણ આપીશ મારા પરિવાર માટે જાન

ખીલ્યો ખૂબ આ પરિવારનો બગીચો

જાણે! વસંત આવી મહેક ફેલાઈ ચારેકોર