પ્રેમનો વ્યવહાર

તું મને તારું દિલ આપ,

હું તને મારું દિલ આપું,

ચાલ આવો એક વ્યવહાર લેણદેણનો કરીએ...

તું મને તારા બધા દુઃખ આપ,

હું તને મારા બધા સુખ આપું,

ચાલ આવો એક વ્યવહાર લેણદેણનો કરીએ...

તું મને તારી એક સાંજ આપ,

હું તને મારી બધી સાંજ આપું,

ચાલ આવો એક વ્યવહાર લેણદેણનો કરીએ...

તું મને તારી થોડી નફરત આપ,

હું તને મારો બધો જ પ્રેમ આપું,

ચાલ આવો એક વ્યવહાર લેણદેણનો કરીએ...

તું મને એક તો વચન આપ,

હું તને સાત જન્મો ના વચન આપું,

ચાલ આવો એક વ્યવહાર લેણદેણનો કરીએ...

તું મને એક હક તો આપ,

હું તને મારા બધા હક આપું,

ચાલ આવો એક વ્યવહાર લેણદેણનો કરીએ...

તું મને એક ખાલી ઝલક આપ,

હું તને મારો પૂરો નઝારો આપું,

ચાલ આવો એક વ્યવહાર લેણદેણનો કરીએ...

તું મને એક જુઠ્ઠો દિલાસો આપ,

હું તને મારો બધો આધાર આપું,

ચાલ આવો એક વ્યવહાર લેણદેણનો કરીએ...

તું આ નિક્સ ને એકવાર પાગલ તો કર,

હું તને નહિ ભૂલવાનું પાગલપન આપું,

ચાલ આવો એક વ્યવહાર લેણદેણનો કરીએ..