પ્રેમની પરિભાષા

એક મળ્યું તું એક દિ' સ્પંદન મને,

વહાલનું મીઠું લાખેણુ સરોવર મળે,

મળ્યાંતા અમે એક પતંગના તહેવારે,

પ્યારની રંગત મળી હવે તારી સાથે,

બસ અમે નીકળી ગયાં એ પ્રેમપંથે !

અનાયાસે મળ્યું એક વ્હાલપ મને,

મૂકવાચાએ પણ ઘણું કહ્યું તું અમે,

નહોતો નાતો છતાં પતંગની એ દોરે,

ઘણુંય લપટાયાતા અમે પ્રેમની સંગે,

બસ અમે નીકળી ગયાં એ પ્રેમપંથે !!

અમારાં પ્રેમને વધાવ્યો તો પરિવારે,

ઝટ કરાવી સંબંધોની મીઠી પ્રતીતિ,

બદલાઈ ગયાં ત્યાં સંબંધો સદાયે,

સાથે મળ્યાં સંબંધોનાં લેખાંજોખાં,

બસ અમે નીકળી ગયાં એ પ્રેમપંથે !!

કદાચ મળતી હતી અમ હસ્તરેખા,

પતંગી મનગમતી હતી એ પરિભાષા,

મને સમજાઈ ગઈ લાગણીની ભાષા,

હાથમાં ઝાલીને હાથ સંબંધો વધાવા,

બસ અમે નીકળી ગયાં એ પ્રેમપંથે !