પ્રેમ મંદિર

 મંદિર જાઉં છું હું રોજ ને દર્શન 'એ' કરે,

સુમન ચરણે ધરૂં, મસ્તક મૂકી પાવન તું કરે.

કે ઉપવાસ તો ઘણા કીધા છે તવ કાજે પ્રભુ,

નહોતી ખબર કે મને પામવા જાગરણ તું કરે.

કે આરતી ઉતારું છું, હું રોજ તારા નામની,

કે કપૂર મૂકી મંગળ ઓવારણી મારી તું કરે.

ભાગેલ ભાણું કહીને, આરોગી તો ગયા મને,

પારણાં કરાવવા રોજ મને રાજભોગ 'એ' ઘરે.

મુખવાસ ધરું હું મારી આંખોનાં પાનનો.

મુજ પ્રેમભકિત સ્વીકારી આચમન તું કરે.

રાધા-કૃષ્ણનો પ્રેમ તો ભલે અધૂરો રહયો.

પણ જેના હૃદય 'એક' એને અલગ કોણ કરે.