પ્રેમ એટલે શું ?
પ્રેમ એટલે શું ?
પ્રેમ એટલે શું ?
જેને કોઈ પરિમાણ કદીએ માપી ન શકે,
એને કોઈ વ્યાખ્યાના બંધન બાંધીના શકે.
પ્રેમ એટલે હું અને તું ?
અરે એમાં ક્યાં કોઈ બે વ્યક્તિ હોય છે,
બસ આપણેમાં એકરસ થયેલી શક્તિ છે.
પ્રેમ એ કેવો હોય ?
બસ એ તો હવાની માફક નિરામય છે,
રંગ,રૂપ ના તો આકારનો પર્યાય હોય છે.
પ્રેમ કોને હોય છે ?
જેને અકારણ જ કોઈ પોતાનું અંગત લાગે,
બસ હૃદયમાં શ્વાસ અને શ્વાસને એની સોબત લાગે.
પ્રેમ ક્યારે હોય છે ?
એમ કરવાથી કદાપિ જે થઈ શકતો નથી ,
અને જો થયો તો નિભાવ્યા સિવાય રસ્તો નથી.