Library
પ્રેમ, આને પણ કહેવાય છે
પ્રેમ, આને પણ કહેવાય છે
1 min
75
શબ્દો વગર, આંખોથી પણ અનુભવાય છે,
પ્રેમ, આને પણ કહેવાય છે !
વિચારોમાં, તાદાત્મ્ય સાધી લેવાય છે,
ને, મનથી અનુભૂતિ કરાય છે,
પ્રેમ, આને પણ કહેવાય છે !
વગર કહ્યે દિલ, સઘળું સમજી જાય છે,
એકની પીડા, બીજાની આંખમાં દેખાય છે,
પ્રેમ, આને પણ કહેવાય છે !
મનગમતી વાનગી, વિના કહ્યે જમાડી દેવાય છે,
ને, અમીનાં ઓડકારથી, હૈયું ધરાય જાય છે,
પ્રેમ, આને પણ કહેવાય છે !
જોજનો દૂર રહેવાં છતાં, મન કળી જવાય છે,
એકની તકલીફે, બીજાંની ઊંઘ હરામ થઈ જાય છે,
પ્રેમ, આને પણ કહેવાય છે !
એક શબ્દ ઉપર, જાન ન્યોછાવર કરી દેવાય છે,
ને, દુનિયા આખી, એનામાં પૂરી થઈ જાય છે,
પ્રેમ, આને પણ કહેવાય છે !
પ્રણામ હજારો ભગવાનને ચરણે, કરાય છે,
ને, 'ચાહત'નાં નામે, દિલમાં ફક્ત એને પૂજાય છે,
પ્રેમ, આને પણ કહેવાય છે !
