પપ્પાના પ્રેમની તોલે કોણ આવે

નિંદરમાં હોવ ને ચુપચાપ જોઈ લે મને

મારી નિંદર જોઈ શાંતિથી પોતે પોઢે

એ મારા પપ્પાના પ્રેમની તોલે કોણ આવે ?

હું જ્યાં માગું એક ચોકલેટ નાની

આખી દુકાન હાજર છે કરી દે

એ મારા પપ્પાના પ્રેમની તોલે કોણ આવે ?

એક આંખનું આંસુ જો એ ભાળે

હજારો સવાલ પૂછી એ મને હસાવે

એ મારા પપ્પાના પ્રેમની તોલે કોણ આવે ?

નાનકડી ઠોકર શું મને વાગે

દુનિયાના હર ખૂણે ફરી વળે

એ મારા પપ્પાના પ્રેમની તોલે કોણ આવે ?

ખુદથી વધારે જેને પ્રેમ કરે

પોતાનું સર્વસ્વ પ્રેમથી અર્પણ કરે

એ મારા પપ્પાના પ્રેમની તોલે કોણ આવે ?

હેત જેના કયારેય ન ખૂટે

માતાની સંગ વ્હાલ વરસાવે

એ મારા પપ્પાના પ્રેમની તોલે કોણ આવે ?