પપ્પા બનવું સહેલું નથી
પપ્પા બનવું સહેલું નથી
સો ભાર હૈયામાં રાખી પરિવાર કાજ હસતાં રહેવું સરળ નથી,
ખરેખર, પપ્પા બનવું સહેલું નથી.
બાળ કાજ પોતે છોડે પોતાના અરમાન,
પોષવા પરિવારને છત્રરૂપ આધાર બનવું સહેલું નથી,
ખરેખર, પપ્પા બનવું સહેલું નથી.
ડર નહીં હું છું ને કહી બાળને હિંમત દેતા,
પોતે ભીડમાં હોવા છતાં બાળની ખુશીમાં પ્રાણ પૂરવા સહેલા નથી,
ખરેખર, પપ્પા બનવું સહેલું નથી.
પોતે હીરાની જેમ ઘસાઈ બાળનું જીવન ઝગમગાવે,
એવો હીરો બનવું સહેલું નથી,
ખરેખર, પપ્પા બનવું સહેલું નથી.