પિતા છે એ
પિતા છે એ
પિતા લાખ ઝંઝાવાતને ઝીલે અડગ થઈને પિતા છે એ કારમા ઘા ને સહે છે એ તો નગ થઈને પિતા છે એ.
રાત- દિ જોયા વિના દોડે જીવન આખું ન થાકે એ.
પાથરે અજવાળું ઘરમાં રોજ શગ થઈને પિતા છે એ,
હાર ના માને જીવનમાંં એ કદીયે હાંફશે તોયે,
ઉમ્રભર જીવે છે ઘરનો એ જ લગ થઈને પિતા છે એ.
ઈશને જોયા નથી જગમાં કદી જો કોઈએ જાણો,
એ તપીને ઝળહળે છે રોજ ખગ થઈને પિતા છે એ,
ના કદી એ આવવા દે આંચ સંતાનો ઉપર દોસ્તો,
ને કરે રક્ષા સદા સૌની ખડગ થઈને પિતા છે એ.
નગ- પર્વત.
શગ- દીવાની જ્યોત.
લગ- ટેકો.
ખગ- સૂર્ય.
ખડગ-તલવાર.