પીડાનું શું કરું હવે

ભીતરની પીડા પડઘાય અહીં, એ પીડાનું શું કરું હવે ?

દરપણમાં ચહેરો તરડાય અહીં, એ પીડાનું શું કરું હવે ?

ઝાંખપ વધતાં છુપાવેલા સંતાપ બધા ચાડી ખાતા,

ચિંતા આંખોમાં ડોકાય અહીં, એ પીડાનું શું કરું હવે ? 

લેપ લગાવે વાણી મીઠી તોય દરદ તો વધતું લાગે,

જખ્મી મન ચહેરે દેખાય અહીં, એ પીડાનું શું કરું હવે ? 

ઉઘાડી બારી, ફૂલોની ફોરમ ઘૂસી આવે ઘરમાં, 

મુઠ્ઠીમાં થોડી સચવાય અહીં, એ પીડાનું શું કરું હવે ? 

કાજલ ફેલાવ્યો હાથ હવે ઈશ્વર પાસે માંગવા તને, 

ખાલી છે ઝોળી પરખાય અહીં, એ પીડાનું શું કરું હવે ?