પીડા
પીડા
દુપટ્ટાથી ચહેરો છૂપાવી ફરે છે,
નશીલી નજરમાં છતાં આંતરે છે,
પ્રથા દર્દ દેવાની બદલી છે એણે;
દિલાસાના નામે જખમ ખોતરે છે,
ફૂલો જેણે દીધાં એ કંટક બિછાવે,
અને પ્રેમ આપ્યો એ જખ્મો ધરે છે !
હજી નામ ધબકે છે તારું હૃદયમાં,
હજી શ્વાસ પ્રત્યેક તુજને સ્મરે છે,
હજી દર્દ, ડૂસકાં 'ને ડૂમા છે દિલમાં,
હજી નામ લેતાં જ અશ્રુ ઝરે છે,
પીછો છોડવા રોજ તારો હું ચાહું,
છતાં કાં ઉદાસી તું મુજને વરે છે ?
સતત રક્તથી સિંચ્યા છે શબ્દ કેવા !
પીડા ઉદ્ભવે તો ગઝલ અવતરે છે.