ફરી મળીશું ? ખબર નથી

છોડ્યો છે હાથ, ફરી મળીશું ? ખબર નથી,

માતૃભૂમિની પોકાર, ફરી મળીશું ? ખબર નથી,

કોટિ કોટિ જન્મ મળે મને ભારતની ધરા પર,

દરેક જન્મે સૈનિક બનું, ફરી મળીશું ? ખબર નથી,

આ મસ્તક વધેરાય માભોમની રક્ષા કાજે,

ઈચ્છું હું શહીદી, ફરી મળીશું ? ખબર નથી,

હે દેશવાસીઓ ! અલવિદા નથી કહેતો હું !

 ફરી ક્યારે મળીશું, ખબર નથી,

રક્તરંજિત છે ભારતની ધરા, ગાથા બલિદાનની,

મહામૂલી સ્વતંત્રતાને જાળવશો ? ખબર નથી.