પહેલો દિવસ

જતા નાના પગલે મસમોટી બસમાં,

છૂટી ગયો હાથ તે દિન તારો માઁ,

મળ્યા નવા દોસ્તો એ મુસાફરીમાં,

યાદ હજુ મને એ સ્કૂલનો પહેલો દિવસ,

રડ્યો કેમ ત્યારે નહીં ખબર આજ દીન,

પણ, છાનો રહ્યો હું એક જ ચોકલેટથી,

રમતો હું ધૂળની ઢગલી સંગ,

ક્યાંથી પડે રસ મને પાટી સંગ,

યાદ હજુ મને એ સ્કૂલનો પહેલો દિવસ,

ઘૂંટ્યા બહુ પાટીમાં કક્કા - બારાખડી,

જો ના આવડે તો ઠોઠ હું કહેવાતો,

એ કક્કો જ શીખતાં લાગ્યું વરસ,

યાદ હજુ મને એ સ્કૂલનો પહેલો દિવસ,

વીતેલા એ દિન જો મળે ફરી,

જીવી લઉં તો નિખાલસ બાળપણ ફરી,

બાળપણ ને સ્કૂલ બની ગયા યાદી,

યાદ હજુ મને એ સ્કૂલનો પહેલો દિવસ.