પાંચ-સો !

પાંચ જ બાકી રહ્યાં શું ? યુદ્ધના મેદાનમાં

સો ની સામે જંગ છેડી’તી ભાવને તનમાં,

ના જોઈતું’તું કંઈ પરંતુ જીવવું સ્વમાનમાં

કટાયેલ તલવાર કદિ રહી શકે શું મ્યાનમાં ?

શું થશે, કેવું હશે મેદાન તેનું ભાન ના

છતાં,મળી જીત કે તીર હતું સત્ય-કમાનમાં,

સંગી ના સાથી કોઈ કે જે હોય બળવાન હાં

પણ,ભરોસો એટલો કે તારશે ભગવાન ? ‘હા’,

ઝંપલાવ્યું યુદ્ધમાં ને પછી પલાયન ! ‘ના’

સત્ય-ધર્મ-ભાવનાનું જાગતું ખલિયાન આ !

સતનું થયું શૂન્યને કલિનો થયો એકડો !

પાંચતો સ્વર્ગે ગયાંને હવે, સો’ના બદલે સેંકડો

સો ની સામે જંગ છેડી’તી ભાવને તાનમાં ?

પાંચ જ બાકી રહ્યાં’તાં યુદ્ધના મેદાનમાં !