પાગલ સહારો
પાગલ સહારો
ઉછળતી વેદનાઓને કિનારો ન મળ્યો
તરસતી નજરને એક સિતારો ન મળ્યો
કરતી રહી ઈન્તજાર આંખો ઉમરભર
આંખોને આંખોનો એ ઈશારો ન મળ્યો
સુકાઈને બેઠી બારુદ લાગણીની જુવો
આગ ભભૂકે એ એક તિખારો ન મળ્યો
વાદળ જેવી આશ લઈ ઊડતી આકાશે
હિમાલયની ટોચ જેવો મિનારો ન મળ્યો
દર દર ભટકતી રહી જોગણ બનીને હું
તારા ઘરના ઓટલા જેવો ઉતારો ન મળ્યો
ભારેલી આગ એક ભભૂકતી રહી ભીતર
જીવન જ્યોતિ જલે એ અંગારો ન મળ્યો
એક "પરમ" ઉલઝન કરતી રહી બેચેન સદા
ચૈન મળે એવો તારો "પાગલ" સહારો ન મળ્યો