નતો એ આવી કે નતો નિંદર આવી

એક ઉંમરમાં મેં મારી પુરી જિંદગી જીવી લીધી,

કાગળમાં લખેલા એ શબ્દોએ,

મારી નીંદર લઇ લીધી હતી.

એક સપનામાં મેં મારાં જીવનના બધા સપના જોઈ લીધા,

પુરાણી થઇ ગઈ એ ચિઠ્ઠી,

જેનાથી મેં મારી ઉંમર પણ ગવાઈ દીધી,

કોણ જાણે ક્યાં સંતાય બેઠી મારી એ નીંદર,

જે જીવનભર સંતાકૂકડી રમતી આવી મારી સાથે.

એ પ્રેમિકા નહોતી મારી ,

એતો આત્મા હતી મારી,

જેને લખી તેના હૃદયની વાતો એ કાગળ પર,

જે વસવાટ કરી ગઈ મારી આંખની નીંદરમાં,

ઉંમર ગુજારી દીધી એની યાદમાં પણ,

નતો એ આવી કે નતો મને નીંદર આવી.