ચાહત
ચાહત
ગુલાબની પાંખડી પર પડેલું એ ચંચળ ઝાકળનું
મુગ્ધ સ્પંદન,
પાંપણનાં છેવાડે ભીનું થઈ અટકી ગયેલું એ ખુશીનું
પાગલ અશ્રુ,
ડાયરનાં પાને આજે પણ મહેંકતું એ તારી યાદોનું
અનાડી ઝૂમખું,
મસ્તીખોર વાયરાથી ઊડીને ગાલને સહેલાવતો એ
બદમાશ સ્પર્શ,
આંખોમાં આજે પણ સળવળતી તારી એ ઝલકની
મીઠી તડપ,
ને..
તારામાં સમાઈને વાદળો સંગ વિહરવા તલપાપડ થતી મારી આ પ્રીત..!
શું આટલું કાફી નથી એ જાણવા..
કે,
હું તને કેટલો પ્રેમ કરું છું..?!