પલળતી ઈચ્છા
પલળતી ઈચ્છા
પલળવાની ઈચ્છા છે
ભીનાશથી છલકાતા નયનમાં સમાઈ જવું છે,
તારામાં ઓતપ્રોત થઈને બસ તારી બની જવું છે,
ભીનાં થવું છે !
પલળવાની ઈચ્છા છે
શરમથી લાલાશ છવાયેલાં ગાલને પંપાળી લેવું છે,
જરૂર પડે તો આ પ્રીતની હદને બસ વટાવી જવું છે,
ભીનાં થવું છે !
પલળવાની ઈચ્છા છે
આમ નોખાં અળગા બેસીને દલડું દુઃખી કેવું છે,
મેઘા સંગ વિહરતાં પાગલ બની થનગની જવું છે,
ભીનાં થવું છે !
પલળવાની ઈચ્છા છે
ભીંજાતાં શબ્દોનાં મૌનમાં નટખટ ઝૂમી લેવું છે,
હાથનાં મુલાયમ સ્પર્શથી સ્વયંમાં ઓગળી જવું છે,
ભીનાં થવું છે !
પલળવાની ઈચ્છા છે
ગુલાબી ઓષ્ઠ પર રમતાં વર્ષા બિંદુને અડી લેવું છે,
ધ્રૂજતાં ભીનાં બદનની ખુશ્બૂથી મનડું મહેંકાવી દેવું છે,
ભીનાં થવું છે !