કરામત થાય છે

જોઈ તમને કંઈ એવી તો કરામત થાય છે,

મારા જ દિલ સાથે મારી બગાવત થાય છે,

આખી રાત સળવળતાં રહ્યાં વિચારો અને,

વાચામાં જાણે કે શબ્દોની અટકાયત થાય છે,

તમારી સમક્ષ આવતાં જ હૃદય ધબકાર ચૂકે,

જોવ છું જ્યાં નજર ફેરવી તમારી જ મુલાકાત થાય છે,

છે આ ભીની લાગણી પ્રણયની જ એ જાણું,

બસ હવે તમારી હામીની જ બધી કવાયત થાય છે,

નજરમાં તમારી પણ મુજ નજર સમ હરકત જણાય છે,

મૌન સંવાદોમાં જ પ્રિયે પ્રેમની સઘળી કબૂલાત થાય છે.