નથીનું દુઃખ
નથીનું દુઃખ
નથીનું દુઃખ હવે જીવનમાં રહ્યું નથી
કેટલી કરું ફરિયાદો હવે જીવન જીવન રહ્યું નથી,
નથીનું દુઃખ...
મોસમની બદલાતી આ હવાઓનો જાદુ
માનવીના મનના ઊંડાણને હવે ઓળખવાનું રહ્યું નથી,
નથીનું દુઃખ...
શોધની શોધમાં ચાલતા થઈએ
શોધ હતી જે હેતુથી હવે એ હેતુ રહ્યો નથી,
નથીનું દુઃખ...
રહસ્યો કેટલાય ખૂલે આપણી આગળ
હવે રહસ્યો રહસ્યો રહ્યા નથી
નથીનું દુઃખ...
સ્વપ્નાની તો વાત શું કરવી ?
કેટલાય જોયા દિવાસ્વપ્ન હવે સ્વપ્ન સ્વપ્ન રહ્યા નથી
નથીનું દુઃખ...
ભટકું છું તારી યાદોમાં સદાય હું
હવે ભટકવાનો કારણ પણ જીવનમાં રહ્યું નથી
નથીનું દુઃખ.