જિંદગી

તને મળતાં જિંદગીની રંગત મળી ગઈ

ખોવાઈ ગઈ હું મુજથી તે દિન હું મુજને મળી ગઈ,

તને શું કહું કેટલાય જખ્મો છુપાવી બેઠી છું

તારા લીધે જ હું બંધુ મારામાં સમાવી બેઠી છું,

તને ક્યાં ખબર છે હું તો મારામાં જ બંધાઈ ગઈ

આંખોને કરું છું બંધ તો હું તારામાં સમાઈ ગઈ,

તને મળવા મારા હૃદયને સમજાવું છું

બસ તારા નામથી જીવનની માળા બનાવું છું,

તને કેમ કહું હું પિંજરામાં પુરાઈ ગઈ છું

કેમ સમજાવું હું મારાથી હું બંધાઈ ગઈ છું,

તને કેમ કહું મને છોડાવી જા, થોડીવાર માટે

જરા, આવી મારાથી મુજને બચાવી જા.