નથી ઈચ્છતી હું
નથી ઈચ્છતી હું
નથી ઈચ્છતી હવે હું કે તું મારા શબ્દોના અર્થો સમજે !
પણ ઈચ્છુ માત્ર એટલું કે તારા માટે લખેલી ગઝલો બસ વાંચે !
હું તો ઈચ્છુ માત્ર તારા ચહેરા પરનું હાસ્ય જોવા
નથી ઈચ્છતી હું કે તું મારું રૂદન પણ ક્યારેક સમજે !
હું નથી ઈચ્છતી કે તું પ્રેમ કર મને
બસ ઈચ્છુ એટલું કે તને તારો પ્રેમ મળે !
નથી ઈચ્છતી હું કે તારા સોનાઓમાં હું આવું
બસ ઈચ્છુ એટલું કે તારા સપનાનું સરનામું હું પામુ,
મનના આ બંધ દરવાજા બસ બંધ જ રહેવા દે ને !
નથી દેવી કોઈની દસ્તક બસ ખાલી જ રહેવા દે ને !
ઘણું દોડી પ્રેમરૂપી મૃગજળ પાછળ
બસ હવે પ્રેમરૂપી પ્યાસ એમ જ રહેવા દે !
ના જોઈએ મુજને સાથ તારો..
બસ તારા નામમાં જ સાથ મારો !
સપનાઓનું આકાશ મારું એમાં બસ મને જ વિહરવા દે !
ક્યાંક તૂટેલા સપનાઓના તારાઓને પણ જોવા દે !