નડ્યા કરે
નડ્યા કરે
1 min
394
ભીતર બેઠેલાં દર્દનું ભારણ નડ્યા કરે,
વિતેલી યાદોનું કોઈ વળગણ નડ્યા કરે !
ઊથલાવી જિંદગીના પાના થાક્યો છું હું હવે,
સત્ય અને અસત્યની સમજણ નડ્યા કરે !
જગની ભીડભાડમાં શોધી રહ્યો છું ખુદને,
જીવવા માટેનું કાયમ કારણ નડ્યા કરે !
કોઈનો થવા કાજે આજે કોશિશ ઘણી કરી,
સમયે સાથે હારનું સગપણ નડ્યા કરે !
સબંધો સઘળાં નિત ખૂબ નિભાવ્યા "વીજ"
સમજ્યાં જેને પોતાના પ્રતિક્ષણ નડ્યા કરે !