નારી તું નારાયણી

આધુનિકતાની આડમાં વલોવાતી આ નારી, 

ફરજ અને જવાબદારીમાં શોષાતી આ નારી, 

નારીના જીવનની એક જ કહાની, 

એક જીવનમાં હજારો પાત્રો ભજવતી આ નારી,

બે હાથ પણ હજારો કામ કરતી આ નારી,

પતિ અને બાળકો વચ્ચે વહેંચાતી આ નારી,

કુટુંબ અને નોકરીની વચ્ચે પીસાતી આ નારી,

પોતાના બલિદાન થકી કુટુંબને તારતી આ નારી,

જવાબદારીનો ભાર લઈ જીવન જીવતી આ નારી,

પારકાંને પોતાના બનાવી સાચવતી આ નારી,

સુખ અને દુઃખના વલોણે વલોવાતી આ નારી,

એટલે નારાયણી બની સઘળે પૂંજાતી તું નારી.