પુસ્તકની પાંખે

પુસ્તકની પાંખે બેસી ભરી ઊંચી ઉડાન, 

શબ્દોના સથવારે મળ્યો કલ્પનાનો દોર,

જ્ઞાનની ક્ષિતિજો ખૂલી, ખૂલ્યો જ્ઞાનનો ભંડાર, 

પુસ્તક તણી મિત્રતાથી મન થયું વિશાળ,

પુસ્તક તણો મિત્ર કદી ન એકલો છોડે,

હોય સદા સાથે અને આપે નવો વિચાર, 

મનની ચંચળતાને સ્થિર કરી વધારે મનનો વ્યાપ,

પુસ્તક જેવો મિત્ર મળે કયાંય ન શોધે જડે,

વિહરે મન પુસ્તકની પાંખે કરે ઘણો વિચાર, 

આખી દુનિયા જોયાનો થાય આનંદ અપાર,

પુસ્તક જ્ઞાનનો દરિયો, ડૂબકી મારે એ મેળવે મોતી,

પુસ્તક આપે જે જ્ઞાન એથી બને જીવન ધન્ય.