લાગણીઓ
લાગણીઓ
1 min
1.8K
ભીની ભીની લાગણીઓને
કોણ રોજ રોજ સિંચે ?
બદલાતા જાય ચહેરાઓ અંહી,
આંખ જરા જો મીંચે.
મૃગજળ સમી છે ઈચ્છાઓ,
ને હરણફાળ રણ દોડે,
ઝાડ-પાન જો દૂર થયા અંહી,
તો ફૂલો ક્યાં થી જોડે ?
કંઠે ડૂમો તરસ બની
ને દરિયા માટે જેમ ઝુરતો,
ઓટ -ભરતી ઉરમાં લઈ
રોજ મને એ ઘૂરતો.
આખે આખી છે જાત ડુબાડી
રહુ છું તો ય કોરી,
નિચવું છું રોજ લાગણીઓને
વિશ્વાસ માં ઝબોળી.
સોનેરી કિરણો છોડી
ને સૂરજ રોજ આથમતો,
યાદો કેરી ઝાકળ છોડી
ફરી સવારે એ ઉગતો.
નવી લાગણી, નવી માંગણી,
નવી કુંપળો ફૂટે,
કરો માવજત જાત ઘસીને
તો ય એમાં કંઈક ખૂટે.
ભીની ભીની લાગણીઓને
કોણ રોજ રોજ સિંચે ?
બદલાતા જાય ચહેરાઓ અંહી,
આંખ જરા જો મીંચે.