પતંગ

રંગ બેરંગી પતંગને જોઈ, આભ જયારે શોભી ઉઠે,

પર્વ આ અનોખો જે જીવનની રીત શીખવે.

જે દોરીથી બંધાય છે પતંગ

એ ક્યારેય ન છોડવી

મૂળને સાચવતી વખતે

ભલે કપાય જાય આંગળી

ઢીલ અને ખેંચ દ્વારા પતંગ ઉડે આકાશે,

સ્થિરતા કાજે આ દોરી કેટલા જોખમ ઉઠાવે.

તોય સૌ વખાણે

મારો પતંગ ઉડે આકાશે

દોરી કેટલું મથતી

એ ક્યાં કોઈ સમજે

ઉડતાં પતંગને કાપીને, કાપવાની મજા સૌ માણે,

ગગને સ્પર્શ કરીને, અધોગતિની વેદના કોણ જાણે ?