નામ દઈ બેઠાં
નામ દઈ બેઠાં
નસીબની જ રમત હતી શું,
જે હાથમાં નથી, એને પ્રેમ કરી બેઠાં,
હાથવગાં હતાં, એની સાથે જીવન જોડી બેઠાં !
હૈયામાં, એક મૂર્તિ પ્રેમની, કોતરી બેઠાં,
હાથમાં મહેંદી, બીજા નામની દોરી બેઠાં !
કુદરતની કરામતને, ઉપહાર માની બેઠાં,
જિંદગીનો એક છેલ્લો, દાવ રમી બેઠાં !
છળ કપટને, સનાતન સત્ય માની બેઠાં,
પડછાયાં પર, આંધળો વિશ્વાસ કરી બેઠાં !
લાગણીનાં આ ખોટનાં, વ્યાપાર ધંધાને,
ભૂલથી, 'ચાહત' નું, નામ દઈ બેઠાં !