મરવા ક્યાં દે છે
મરવા ક્યાં દે છે
નજીક આવે પણ અડવા ક્યાં દે છે !
રડાવે ઘણુંય પણ હસવા ક્યાં દે છે !
ઊંચાઈએ પહોંચાડી એ ધક્કો મારે,
હાથ એ ઝાલે પણ પડવા ક્યાં દે છે !
છોડી મૂકે છે એમ જ મઝધારમાં ને
ડૂબવા ન દેતી પણ તરવા ક્યાં દે છે !
ભરી મહેફિલે સાવ એકલા કરી મૂકે
ને એકાંતમાં પણ ભળવા ક્યાં દે છે !
સીધા સરળ માર્ગ પર આપે વળાંકો
વળવા જાઉં પણ વળવા ક્યાં દે છે !
અજાત શત્રુ જાણે કિસ્મત 'અંજુ'
જીવવા ન દેતી પણ મરવા ક્યાં દે છે !