મોરપીંછ મુગટે ઓળખાયો મારો કાનજી
મોરપીંછ મુગટે ઓળખાયો મારો કાનજી
મયૂર કેવાં રે કામણ તમે કીધાં
હરિએ તમારાં સરનામાં રે દીધાં,
તારા પીંછાનો વીંઝણો શોભે રૂપાળો
તારી કલગીનો તાજ રૂડો રઢિયાળો
મોર તું લાગે છે છેલછોગાળો,
મેહુલિયો ગાજે ને થનગને નખરાળો
વનવગડે ઢેલ સંગ દીપે દિવાનો
મોર તું લાગે છે છેલછોગાળો,
રમતો ભપકે કળાયેલ કોડીલો
મોરમુગટ ધરી હરખે રે ગોપાલો
મોર તું લાગે છે છેલછોગાળો,
મેં તો વહાલું કર્યું ગોકુળિયું ગામજી
મોરપીંછ મુગટે ઓળખાયો મારો કાનજી,
રાજ રાજેશ્વરી નટખટ ભપકા રૂપાળા
મોરલા તમે સૌને ગમતા છેલ છોગાળા.