મોંધેરો સ્વતંત્રતા દિવસ

દિવસ આજનો સોહામણો,

સ્વતંત્રતાની વાતોનો મેળાવડો.

આજની આપણી આ પેઢીને,

શું ખબર કે ગુલામી શું ચીજ છે ?

કોઈની આજ્ઞા મુજબ કરવાનું હોય કામ,

સમજાશે પરતંત્રતાની શું રીત છે ?

એક નિર્ણય કરવાની પણ નહોતી સતા,

વિરોધ કરવાનો દંડ, જેલને લાઠીની સજા.

નસીબદાર છીએ કે આઝાદી બાદ,

આ દુનિયામાં જન્મ્યાં આપણે.

નહિતર કેટલી હોત બદતર દશા,

આપણાં જીવનમાં આજે !

સલામ છે એ શહીદોને કે,

જેણે પોતાનાં લોહી વહાવ્યાં,

પરિવારના સાથ ગુમાવ્યાં,

સ્વતંત્રતા કાજે પ્રાણ ગુમાવ્યાં.

સ્વતંત્રતાનાં આ મોંધેરા દિને,

ઈતિહાસનાં પાને લખાયેલાં શહીદોને,

એમની વીરતાને યાદ કરી લઈએ,

તિરંગાને દિલથી સલામી આપી દઈએ.

દેશ માટે કંઈ કરવાનાં ઓરતાં લઈને,

આ માનવજીવનને ધન્ય કરી લઈએ !