મને યાદ છે એ પળ

આપણી પ્રથમ મુલાકાતની યાદ છે એ પળ,

અકબંધ છે આપણે કરેલાં પ્રણયની એ પળ,

લીધો હતો તારાં હાથમાં તે મારો હાથ એ દિને,

અનુભવી હતી તારાં સ્પર્શની અલૌકિક એ પળ,

પછી તો દિવસ જાય પણ રાત વિજોગણ લાગે,

યાદ છે ચાંદને તાકીને કરેલાં જાગરણની એ પળ,

દરિયા કિનારે આંખોનાં સમંદરમાં એકમેકનું ડૂબવું,

ન ભૂલાય રેતમાં દિલ દોરી તેમાં નામ કોતર્યાની એ પળ,

સાજન માજન બેઠું બેઠું મહાલતું હતું મંડપ મહીં,

આપણાં મંગલ પરિણયની એ યાદ છે એ પળ,

સાસુજીએ ઉંબરે ઊભી રાખીને મને પોંખી હતી,

કંકુ પગલે તારાં ઘરમાં મારાં ગૃહપ્રવેશની એ પળ.