મને વ્હાલી મારી મા

મા

શબ્દ એક પણ અર્થ કેટલા ?

સંબંધોની સમાનાર્થી ને,

હર કિરદાર ને બાખુભી નિભાવતી,

હંમેશા હસતી ને મન માં કેટલું છૂપાવતી...

પોતે રહેતી ભૂખી ને સૌને પકવાન પીરસતી...

રાહ જોતી ટેબલ પર ચા એની...ને એમ જ ઠંડી થઈ જતી...

ને એ વ્યસ્ત પરિવારના નાસ્તામાં રહેતી....

સૌને પીરસીને જ્યારે પોતે જમવા બેસતી...

હર કોઈ ઊભા થઈ જાય તો એકલી એકલી જમતી...

પણ ના કોઈ ફરિયાદને ના કોઈ વાંધો..

આ "મા" કેવું જીવન જીવતી ?

તહેવારોમાં પણ પૂરું ઘર સજાવતી...

ને કોઈ ખામી રહી જાય તો...કેવું સૌનું સાંભળતી...

ના મળે વેતન, ને ના થાય વકરો...

વગર નફા નુકસાને આ કેવી નોકરી કરતી ?

આ "મા" કેવું જીવન જીવતી ?

પોતાના આંસુ ને પોતાનું દર્દ,

પોતે જ બનતી દાક્તર ને પોતે જ બનતી દવા...

આ "માં" આમ જ હાસ્ય રેલાવતી....

પથ્થરની ઈમારતને એ એક ઘર બનાવતી.