મળશે મંઝિલ

ઊભો છે તું આજ જોમ-સમરાંગણે,

બતાવવા શક્તિ તારી કેટલી બાવડે?

નથી માત્ર બળ એકલું જીતશે જંગ,

જોઈશે કળની પણ ભાગીદારી સંગ !

કર મૈત્રી બળ, બુદ્ધિ ને વિશ્વાસ સંગ,

ચીંધશે મંઝિલ તુજને આ ત્રિવેણી સંગ.

ભૂલીશ ના તું આ જગ- શક્તિદાતાને.

કર યાદ ઝૂકાવી શીશ એ મહાત્માને.

ભર જુસ્સો નસે-નસમાં એકી શ્વાસે,

કર નજર એ લક્ષ તરફ પૂર્ણ વિશ્વાસે.

મળશે મંઝિલ તને છે એ નિશ્ચિત,

લહેરાશે વિજય -પતાકા તુજ બાવડે.