મળીને આવ્યો છું
મળીને આવ્યો છું
હજું હમણાં જ એમને મળીને આવ્યો છું,
જાણે સ્વર્ગમાં વિહાર કરીને આવ્યો છું,
ગઈકાલે હતો જે સળવળાટ દિલમાં,
અબઘડી એને શાંત પાડીને આવ્યો છું,
અહાહા ! શું મ્હોર્યું'તું વદન માશૂકાનું !
દીદારે દીદારે દિલને ન્યાલ કરીને આવ્યો છું,
કેવો ગજબ અચંબો લઈને આવ્યો છું !
એક પરીને હું રૂબરૂ મળીને આવ્યો છું !
છે શબ્દ મળવું ! કેટલો કમાલનો છે !
ફૂલો-સાં પાલવમાં ધમાલ કરીને આવ્યો છું !