કોને મળવું પડે ?

મરી જવા માટે કોને મળવું પડે ?

છળી જવા માટેય કોને મળવું પડે ?

ચાહતની 'ચા'હ પીવા નથી મળી,

ચાહવા કાજે કોની વાહ વાહ કરવી પડે ?

દરિયા ઉલેચ્યા છે આંખેથી અનેક મેં,

રણની ખારાશ પીવા કોને મળવું પડે ?

ખ્વાબ સૌ ઊડી ગયા છે ઝાકળ બનીને

શ્વાસોને ઊડાડી જવા કોને મળવું પડે ?

ભીતરે કંઈ જ નથી ખાલીપા સિવાય ભૈ !

પ્રણયસૂરાના જામ પીવા કોને મળવું પડે ?

મોત ઊભું છે ક્યારનુંયે માંડવો રોપીને, 

સ્વર્ગની સફરે જાવા કોને મળવું પડે ?