ગમ ન કરજે
ગમ ન કરજે
1 min
430
તને ચાહી ન શકું તો ગમ ન કરજે,
શક કરી લેજે પણ ગમ ન કરજે.
હું હવે અલ્પાયુના અંત જેવો છું,
મૈયતે ન આવી શકે ગમ ન કરજે.
શ્વાસો છે ટૂંકા ને વિશ્વાસ છે ઝાંઝાં,
તને હૈયે ભરી ન શકું તો ગમ ન કરજે.
અશ્કની ધાર છે એટલી અનરાધાર,
ઝીલી ન શકે ખોબામાં તો ગમ ન કરજે.
એક જ ખ્વાબ હતું મારું કે તુંજ સંગે જીવું,
પામ્યા વિના સ્વ. થઈ જઉં તો ગમ ન કરજે.
અવતરણ ટાણે જ મોત લઈ આવ્યો હતો,
હવે મૃત્યુ જ મને લઈ જાય તો ગમ ન કરજે.