મળી જશે ?
મળી જશે ?
નજરથી નજર મળતા અલગ મુસ્કાન દેખાઈ એની,
શુંં આ મુસ્કાનમાં મને મારો પ્રેમ મળી જશે ?
પ્રેમની હજુ હા કે ના ક્યાં પાડી છે એને,
તો શું નસીબમાં નહીં હોય તોપણ મળી જશે ?
ના પૂછ્યું સરનામું કે ના પૂછ્યું એકબીજાનું નામ,
તો શું મુસ્કાન નામના સરનામે કાગળ મારો મળી જશે ?
અસંખ્ય પ્રશ્નોની વણઝાર ઊઠી છે હૃદયમાં,
શુંં મુસ્કાનની યાદોના સહારે જવાબ મને મળી જશે ?
હવે જે કરે પ્રભુ તું એ તારી મરજી છે,
શુંં કાનાને આ ભવમાં રાધાનો સાથ મળી જશે ?