મહાદેવ

કિસ્મત રૂપી વિષ શિવા આજ મારે પીવું છે,

હિમાલય જેવા સપનાઓમાં, ધૈર્ય ધારવું છે.

કાંટા ભરેલા રસ્તામાં શિવા મારે ચાલવું છે,

હારેલા શ્વાસે જીત બની આજ મહેકાવું છે.

વેરની દુનિયામાં શિવા આજ મારે રહેવું છે,

પ્રેમરૂપી વરસાદ બની આજ મારે વરસવું છે.

પાષાણ હદયમાં શિવા આજ મારે જાવું છે,

કરુણારૂપી અશ્રુ બની મારે ભીંજાવું છે.

કસોટીના અંગારામાં શિવા આજ રહેવું છે,

મારે તો બસ, ભભુતિયો મહાદેવ થાવું છે.