મૌનનો મેળો

મૌનનો મેળો લખું ? કે નીરવ શાંતિનો શોરગુલ, 

આંસુને અગન લખું ? કે સૂક્કાં રણમાં દર્દનું બાદલ,

ચાલ્યે જ જાય છે ભીડમાં'યે જિંદગી સાવ એકલ,

સરકતી રેત લખું ? કે મળેલો સમયને સમય સાવ ફાઝિલ,

એ મીઠા ડંખથી મદહોશ નયન થઈ જાય બોઝીલ,

વફાનું વિષ લખું ? કે નાગણી લાગણીની કાતિલ,

છે દરિયે એકલું એકાંતને યાદો છતાંયે શામિલ,

મસ્તી લહેરોની લખું ? કે મૌન પણે લૂંટાય સાહિલ,

હરિયાળી ખૂબ ફળી છે ઝખ્મોની દોલતનો છું હું હામિલ,

બેવફાઈની વર્ષા લખું ? કે દિલને કિસ્મત થઈ છે હાંસિલ.